Kavman blong Vanuatu tru long Ministry blong Education i givim 4 million vatu blong mekem se Tafea college i gat access long wota.

Claimant blong graon we source blong wota i stap long hem long west Tanna, i ricivim cheque blong 4 million we i kam long kavman blong Vanuatu.

Hemia hemi part long wan agriment bitwin Kavman blong Vanuatu tru long Ministry blong Education mo Training mo Land owner blong mekem sua se ol student oli kat access long wota mo blong avoidem ol disturbance long class olsem long past yia.

Acting Director General blong Ministry blong Education mo Training, Bergmans Iati, hemi confirmem se Minister blong Education Jean Pierre Nirua hemi presentem 4 million cheque ia i go long claimant taem hemi ko long Vanuatu National Provincial Secondary School Game long tafea provins, long erli long manis ia.

After we oli putum pen long paper blong formalizem agreement ia, Minister Nirua hemi talem thank you long claiman blong acceptem offer ia blong wok tugeta wetem kavman blong createm wan better environment blong ol student blong save study.

Ripot i talem se, majority blong ol student long Tafea College oli kam long 5 island long Tafea Provins, mo i kat sam long olgeta oli kam long nara part blong island long Vanuatu.