Campain for Justis grup, C4J, emi holem fes eva pres konfrens blong hem tedei long moning.

Pres Konfrens ia we emi blong lukluk long sam jalenj we i mekem se oli setemap grup.

Mo tu blong tokbaot wan fes keis we grup ia i stap wok long hem.

Keis ia emi blong Illegol logging operesen long Santo o fasin blong katem daon ol wud we emi go agensem loa blong kaontri.

Olgeta Campaing 4 Justis ofisa we oli stap blong toktok long ol memba blong Media emi, Direkta blong C4J Russel Nari, Stephen Quinto, key faonda blong Campaing 4 Justis, Jif Investigeta mo semtaim foma hed blong CID, George Twomey, mo Investigeta Willie Alick Pakoa we hem tu i bin wan foma nasonal polis ofisa.

Long taim blong Pres konfrens Stephen Quinto emi talem se i gat fulap ol kruket fasin we i stap mekem se Trut mo Jastis i no save kasem ol pipol we oli nidim.

Investigeta Pakoa i kwotem tu ol skola we oli talem impotens blong Media olsem wan sos blong serem infomesen blong mekem se ol pipol oli nomo stap long ignorans o tudak mo oli save stanap long Jastis.