Hed blong kavman, Praem Minista Charlot Salwai Tabimasmas bae i sainem agrimen blong 2 rod projekt taem we hemi atendem APEC miting long PNG, long manis Novemba.

Pablik Relation Ofisa blong kavman, Hilaire Bule i konfirmem wetem VBTC News se Praem Minista bae i sainem nambatu phase blong rod long Tanna, mo Malekula.

Bule i talem se nambatu phase blong rod long Tanna bae i stat long Green Point kasem long Saut Tanna, mo nambatu phase blong Malekula bae i stat long Lakatoro kasem long Unmet long North West Malekula.

Fes phase blong rod long tufala aelan ia i komplete finis.