Long ragbi nius,

Auckland i gohed long gud ran long Miter 10 Cup long New Zealand wetem wan kamfotebol 35-17 win ova long Waikato long Eden Park long las naet.

Win ia i lukim Auckland i go antap long tebol wetem 3 poin long kompetisen.

Auckland i sko 5 try wetem fulbak, Jordan Trainor mo huka, Abel Robbie.

Mo winga we hemi foma Fijian fulbak, Filipe Rayasi i skorem namba 5 try long wan spectacular fashion.

Fijian born utility bak mo foma New Zealand U-20 rep, Mosese Dawai i skorem fes try blong Waikato long kem ia.