Ol eria futbol lik we oli aktiv long Sanma Football Association i benefit long wan kojing kos we i tekem ples long Luganville taon long wik ia.

Teknikel daerekta mo semtaem instrakta blong Vanuatu Football, Peter Takaro i kontaktem 3 dei kos ia we i stat long tasde mo bae i finis long Satede long wiken i kam.

I gat 22 patisipen we oli kamaot long 7 afiliet lik we oli bin part long Sanma Football, Nasonal Supa Lik kwalifikesen.

Hemi Oceania sinia kojing setifiket kos we bae i end tede mo VFF i gat strong biliv se wanem ol patisipen i lanem bambae oli go putum long praktis long fil blong plei.