Vanuatu nasonal U-16 tim bae i pleim namba 2 frenli match blong hem akensem Shepherds United long Korman Stadium long tumoro 9 oklok moning.

Frenli match ia i part long lidap preparesen blong U-16 tim from Oceania U-16 Championship long Honiara Solomon Islands.

Ol perens blong ol pikinini we i stap insaed long nasonal yut tim ia oli welkam blong go wajem kem ia mo enkarejmen ol pleia.

Long yestede finis, yut tim i plei wetem Shepherds United long VFF academy mo oli win.

Nasonal U-16 tim bae i travel long Wednesde i go long Solomon Islands.