Namba blong ol intanasenal visita we oli kam long Vanuatu long plen, i ko andap long 11% long manis June 2018.

Vanuatu Nasenal Statistik Ofis i ripotem se intanasenal araevol long Jun i kasem 10,573 or 52% long totol araevol long Vanuatu.

Hemi wan inkris long 11% kompea long semak manis las yia, 2017, mo 11% inkris ia hemi 19% ova long manis May 2018.

Long saed blong turis bot, namba blong ol vista we i kasem Vanuatu long manis June 2018 i kasem 9,734 we hemi 48% long evri intanasenal visita long Vanuatu.

Vanuatu Nasenal Statistik Ofis i ripotem se Tafea provins i risivim hae namba blong ol visita long 40% folem wetem Sanma provins long 36%.

Ripot i talem se ol vista we oli travel i ko long ol aota aelan i spendem wan avarej blong 5 dei.