Vanuatu water bae oli stat salem long China ino long taem, olsem part blong wan maket kampein blong exportem ol botel wota blong Vanuatu.

Vanuatu Beverage nao hemi ownem Bottle wota ia, mo oli mekem long niu beverage faktori blong hem, long Efate.

Praem Minista Charlot Salwai Tabimasmas i openem niu faktori ia long wik ia.

Vanuatu beverage i leftemap production blong hem long 2 million lita long 2016 iko antap long 4 million lita long tedei.

Cheif Executive Officer blong Vanuatu Beverage, Erick Durand i talem se wetem niu faktori ia, Vanuatu Beverage i aim blong producum nine million lita long wan yia by yia 2020.

Main product blong campany hemi Vanuatu wota mo hemi available vinis long some pacific island mo no longitme bambae i available too long mainland china.

Cheif Executive ia, i talem se, taem kampani i stap kontribut long ekonomi blong Vanuatu, bae hemi ko hed tu blong promotem ol organic label.

New beverage faktori ia i representem wan investment blong 400 million vatu mo hemi kat capacity blong mekem six thousand botel long wan hour.

Hemia hemi 4 taem moa long wanem we oli bin stap produsum.