Vanuatu Human Rights Coalisen, VHRC, emi givim sapot blong hem long Amnesty Intanasonal blong askem ol Pasifik Lida blong holem Australia akaontable from offshore processing polisi blong hem, we emi unloaful.

Chairman blong VHRC, John Mark Bell mo Jif Eksekutif Ofisa, CEO, Anne Pakoa tufala i kam blong co-saenem wan leta wetem ol narafala 83 entiti raon long rijen.

Leta ia Rejional Reseja blong Amnesty Intanasonal, Roshika Deo, emi presentem tedei long Moning.

Roshika Deo i talem se leta ia emi kolem ol pasifik lida blong oli tokbaot tu isiu blong ol human rights abuse blong ol refugee long Nauru mo tu long Manus aelan, PNG.

Hem i kontiniu blong talem se hemia emi from se ol refugee we oli stap long ol prosesing senta blong Australia ia oli stap fesem ol fasin olsem seksual abuse mo ol kaen fisikel harasmen.

Even lo poen we ol pikinini oli stap long laef-tretening risk from enviromen blong olgeta i no medikali helti blong emosonel mo mentol state blong olgeta.

I gat fulap we oli stap wantem tekem own laef blong olgeta, even long eij blong 10 yias old.

Anne Pakoa i askem Praem Minista, Charlot Salwai Tabimasmas, spos hem i save tekem lid blong resem isiu ia, from nomo se isiu ia i no stap long Agenda blong forum blong ol pasifik lida.