Olgeta market vendors long Port Vila Market aos i no bin aware long tabu blong no swim long solwota long aria blong Fatumauri Bay kasem origin gas.

Port Vila market aos i stap olsem main ples, blong olgeta pipol we oli live long Port Vila blong go pem ol kakae long hem.

VBTC news i manage blong passem aot information blong tabu ya long olgeta mo oli bin sek taem oli harem.

Naeurai James olsem wan market vendor we i kam long Teouma i talem se hemi jes harem nius blong tabu ya,mo fulap taem taem ples blong swim blong ol mama long market i fulap, ol mama i go stap swim long solwota mo even usum solwota long aria ya blong washem ol kakai long hem.

Hemi talem se fulap taem oli no stap kasem information from oli no stap watchem tv o listen long radio mo naia bae oli stop blong usum solwota long aria ya from long wei ya bae oli no kasem sik.

VBTC News i manage blong totktok long Director blong Wota Risos, Sammy Erickson mo hemi talem se plan blong mekem ol awareness blong tabu ya bae i start i no longtaem.

Hemi talem se so far Dipartmen i stap redi long ol bigfala sign, printem ol posta mo putum aot ol notice long saed blong Sea front aria.

Director Sammy i talem se awareness ya bae i go long ol business aos long town mo tu long pablik.

So far Dipartmen blong Wota i manage blong putum aot smol notis nomo.