Minista blong Edukesen, Jean Pierre NIRUA i talem se hemi Glad bigwan blong save se ol Tija blong Pre-skul oli risivim nao wan salari.

Minista NIRUA i mekem toktok ia afta long aknolejmen blong ol Tija blong Pre-skul we i bin kamaot long TBV Nius las wik.

Minista Nirua i talem bigfala Thankiu long ol Tija blong evri Pre Skul long seves mo dedication blong olgeta longtime i kam kasem long yia ia 2018.

Mr Nirua i talem ol Tija blong pre -skul li bin ko tru long bigfala challenge kasem long yia ia we oli save kat wan salary tru long bigfala assistance blong Teaching Seves Commission mo Ministri blong Education mo Training.