Minista blong jastis i wandem lukim se wok blong jastis i aplae long evri pipol nomata ol nasenal lida mo ol odineri pipol.

Ronald Warsal i talem toktok ia folem faending blong Komison blong Enquari long alej mis-yus blong European Divelopmen Fan EDF9 wetem olketa we oli administretem fanding ia.

Ova long 200 milion Vatu we European Union tru long European Divelopmen Fand namba 9 i givim mani ia i ko long ol Malampa, Penama mo Torba provins blong leftemap rurol elektrifikeson long rurol eria bae i kat alekeson se oli mis-yusum mani blong rurol eletrifikeson ia.

Ripot blong spending blong fanding ia i kasem han blong Nasenal Gavman finis mo bambae Kaonsel blong ol Minista i tekem disison blong hem.

Mo Minista blong Jastis, Ronald Warsal, i wandem lukim se jastis i aplae long evriwan.