Hemi duty blong everyone blong addressem ol issu blong pollution we i stap go insaed long solwota blong harbour blong Port Vila.

Mr Rontexter Mogeror olsem Pollution control ofisa long Dipatmen blong environmen i talem se from rison ya nao, Dipatmen blong Environmen long kaontri i stap involve wetem olgeta nara dipatmen olsem Wota Risos, Pablik health mo Port Vila Municipal Council(PVMC) blong addressem issu ya.

VBTC News i kasem information se wan taskfos i bin form bitwin ol dipatmen ya mo discuss long ol activiti mo ol roles we each dipatmen i save playem o karemaot blong addressem issu blong pollution.

Mr Mogeror i talem se long saed blong dipatmen blong Environmen under long wan motion control act we i stap, blong deal wetem ol waste wota we i stap kam aot long ol buildings, dipatmen i stap long stage blong divelopem ol regulation mo naia hemi stap long draft yet.

Dipartmen blong Environmen bae i wok blong putum ol notis tu mo so far oli manage blong putum aot sam warning vinis i go long ol ol building long town we oli suspectem olgeta se oli stap putum waste i go direct long drainage.

Hemi continu blong talem se sam building tu long town oli olfala mo connection blong olgeta i go direct long main drainage tu.

Dipartmen blong Environmen bae i wok tugeta wetem olgeta building owna ya blong kam ap wetem ol wei blong fixim issu ya.