Praem Minista blong Vanuatu, Charlot Salwai Tabimasmas i joinem ol nara Pacific aelan leaders mo stap long Forum Dialogue Partners miting long Nauru long tedei.

Hemia hemi part blong namba 49 Pacific Island forum miting we i stat long yesterdei mo bae i finis long namba 6 Septemba.

Tumoro hemi leaders retreat, mo Vanuatu bae i resem two impoten isu long retreat ia.

Spesel Envoy blong Vanuatu long Decolonisation blong West Papua long ol Pacific island steit, Lora Lini we i stap tu long miting ia, hemi konfirmem.

Minista blong Foren Afea, Ralph Regenvanu, i stap tu long miting ia mo long yesterdei hemi tekem part long Pacific African Caribbean and Pacific states Leaders miting.