Long intanasonal spot,

Real Madrid i shine long UEFA awod naet we i tekem ples long end blong las wik long Monaco, France.

Ripot i talem se Real Madrid long La Liga i dominetem ol awod we oli bin kivimaot long evri kategori long naet ia.

Hemia i randaon blong ol awod we ol pleia blong Los Blancos i winim.

Luka Modric i karem awod blong best midfilda blong Croatia nasonal tim mo Real Madrid long Champions League.

UEFA i bin diklerem Luka Modric olsem UEFA pleia blong yia.

Hemi bitim foma Real tim mate blong hem, Cristiano Ronaldo mo Mohamed Salah long Liverpool.

Sergio Ramos i kapten blong Spanish nasonal tim mo Real Madrid mo UEFA i diklerem se hemi best difenda long sisen.

Hemi livim bihaen tim mate blong hem, Marcelo mo Varane blong winim taetol ia.

Namba 3 pleia we i karem awod, hemi gol kipa blong Real Madrid, Keylor Navas mo hemi kam gol kipa blong las sisen.

Mo Cristiano Ronaldo i winim awod blong best goal long sisen.

Hemi winim Lionel Messi mo Mohamed Salah blong karem awod blong fowod pleia blong 2017-2018 Champions League sisen.

Ronaldo hemi top skora blong oltaem blong Real Madrid taem hemi skorem 450 goals long 438 apierens.

Long 2017-2018 sisen, pleia konsen hemi skorem 44 goals long 44 apierens mo Real Madrid i rili misim hem taem hemi aot i go plei long Juventus long Italy.