Oceania Football Confederation i apointem two FIFA badge refri blong Vanuatu blong go ofisietem OFC Under 16 Championships long Honara, Solomons Islands.

Tufala ia i gat Nawen Hopkins we bae hemi komandem ol match long tunamen ia olsem midfil refri mo Jeremy Garae olsem asisten refri mo bae tufala i travel tede i go long Solomon Islands.

Hemi no festaem tufala FIFA badge refri blong Vanuatu ia i go ofisietem ol impoten rejinol futbol tunamen.

Hopkins mo Garae bae i folem nasonal U-16 tim long tede flaet blong go long Solomons.

Fes match blong Vanuatu, hemi akensem defending champion, New Zealand long Sande long wiken ia.

Oceania Under 16 Championship bae i kick start long Sande we i stap kam long Honiara Solomon Islands.