Department blong Industry i stap wok naoia long wan National branding excercise blong made in vanuatu, we hemi wan brand we oli salem ol product blong Vanuatu nomo.

Hemi confirmation we i kam long director blong Industry, Jimmy Rantes taem hemi stap tokbaot importance blong newfala strategy blong department.

Mr Rantes i talem se, long wik we i kam, department blong industry by i organisem wan consaltation wetem ol private sectors, producers mo ol farmer blong gat wan registate made in Vanuatu Brand.

Stampa thinkthink blong establisim brand ia hemi blong helpem ol local producer long country blong save buildim capacity mo save blong olgeta blong producum mo local product blong mitim high demand we i stap.

Wan long ol main reson too hemi blong promotem ol local product blong country long ol visitor long wanem nao Vanuatu hemi save producum wan product out long ol local product blong hem.

Mr Rantes i talem se newfala Brand ia, bambae pipol oli save understanem mo save wanem kaen product nao oli save originate or oli mekem long Vanuatu.