Vanuatu Non kavman Organisation, VANGO i mekem kol long everi memba blong hem blong help long ol humanitarian help iko long ol pipol blong Ambae we oli stap long Santo.

Jeaman blong VANGO, Lai Sakita i mekem kol ia folem wan disisen we kounsel blong ol minista i mekem blong everi NGO i wok tuketa wetem NDMO blong kivim help long ol pipol blong Ambae.

Hemi talem se ol NGO ibin stap kivim ol help finis mo i kat ol difren area we oli bin stap help long hem, olsem kakai, shelta, medikel saplai mo logistical sapot, mo ol help ia oli bin mekem tu, tru long kavman cluster program.

Mr Sakita i talem se ol pipol blong Ambae we oli no stap long stret hom blong olketa naoia, mo oli kat equal rait blong aksesem ol disasta respons servis blong kavman.