Ministry blong Internal Affairs thru long Depatmen blong Immigration i gat naoia wan niu system blong processem ol payments blong wan visitor we i kam long Vanuatu long wan bisnis Visa.

System ia Depatmen i putum nomo folem sam kruket fasin we oli ofisa blong Immigration oli stap mekem long Airport.

Ministri blong Internal Affairs thru long Minista, Andrew Napuat i talem se niufala system ia bai oli stat blong usem long namba 15 September yia ia.

Mr Napuat i talem se, hem olsem Minista i kasem fulap ripot vnis konsem ol kruket fasin we ol ofisa responsible oli allegedly misusem money blong ol vistors we oli stap pem 20,000VT taem oli travel long bisnis visa.

Hemi talem se taem wan visitor i travel long wan bisnis Visa, bai ol immigration Ofisa bai oli collectem Passport blong hem mo kipim long ofis kasem taem we visitor ia i pem 20,000Vt mo oli issuem wan receipt bifo hemi collectem bak.