Vanuatu i saenem wan Memorandum blong Andastanding MoU wetem Australia long saed blong Pasifik Leba Skim long yestedei long Nauru.

Ralph Regenvanu, Minista blong Forein Afea, intanasenal Kopereson mo extenol Tred, i talem se MoU ia, hemi blong alaom Vanuatu i tekem pat long pasifik leba skim mo hemi impoten from skim ia hemi blong ol manples we oli nokat tumas skil mo olketa we oli kat smol skil blong wok ovasi.

Mr Regenvanu i talem se Pasifik Leba skim i bin stat long namba 1 July 2018 wetem ol wokas blong Kiribati, Nauru mo Tuvalu.

Hemi talem se wetem arenjmen anda long MoU ia, i alaoem ol woka blong Samoa, Solomon aelans mo Vanuatu i tekem pat tu long prokram ia.

Ralph Regenvanu, i talem se prokram ia i alaoem ol sitisen blong Vanuatu plande entri sab-klas 403 temporeri wok visa, mo visa ia i save laef kasem 3 yia.