Since arrival blong ol evacuees long Maewo, long wik ia NDMO i putumaut nambatu saplai blong ol kakai, olsem rice, tinfish, noodles, biscuit mo sugar.

Wan mama we i stap long evacuation camp long Naumumu long north maewo i talem se wari blong hem naoia hemi mani.

Hemi talem se apart long kakae we kavman i givim, olketa i mas pem ol narafala supplies we oli nidim long home.

Wan nara mama long camp blong kaiowvo i askem long kavman blong givhan long ol sewing machine, blong ol mama i save usum blong mekem smol income or mane long hem.

Alain Semion long Laefstok department i ripotem se, ol jif blong ol community we oli stap long ol evacuation camp oli raisem question mainly long how kavman i save helpem olketa wetem finance or mane.

Wan question we even wan kavman minister olsem Matai Seremaiah i no save ansarem, folem nomo process we kavman i stap wok long hem yet blong adresem future blong ol evacuees long maewo.

Food cluster team i faenamot se long sam community long north, ol jif long village i shoem graun vinis we ol evacuees i save wok long hem blong mekem garen.

Long side blong setemap permanent house blong olketa, hemia hemi wan issue yet from nomo kavman i stap wok long wan strategy blong accomodatem process blong Kastom Adoption we ol jif blong maewo i bin proposem long kavman.

Minister blong Agriculture i assurum ol evacuees ia se olsem wan state minister, bae hemi mekem sure se ol concern we i raised, i kasem kansel blong minister mo i kat ansa long hem.

Long side blong Agriculture, bae tim blong food cluster i stap implementem ol strategy plan blong hem long wik i kam blong givhan long ol evacuees.

Minister i appeal long ol evacuees ia blong oli no staun mo storian or thinkthink tumas, be naopia oli mas thinkthink strong blong mekem garen mo oli mas planem kakai.

Ripot i talem se, long tete, Department blong Public Works, i usum loader blong clarem bush long eria blong eaport.

Minister mo tim blong hem i stat planem manioc mo island cabbage tete long newfala garen ia.

Ol community blong evacuees bae oli mekem wok party long ol devided plots blong planem garen ia.