Afta long bikfala evacuation we i bin stap long Ambae, Vanuatu National Provident fund (VNPF) i apruvum blong ol pipol blong Ambae we oli memba blong VNPF, i save withdroem 20 percent long kontribusen blong olketa.

General Manager blong VNPF, Parmod Archary i confemem long VBTC nius long tedei moning se hemi saenem wan cheque blong 8 million, 859 thousand mo 300 vatu i ko long National Bank blong Vanuatu (NBV) long ol member we oli bank wetem NBV.

Hemi talem se money ia hemi blong helpem ol pipol blong Ambae long situation we oli stap fesem naoia.

Hemi talem se i bin gat sam chiefs blong Ambae we oli bin claim se ol VNPF member ia i mas pem 1500 vatu i ko long olgeta, blong sainem form blong okleta, be hemia i no afektem nating withdrawal blong olgeta.