Seken miting blong Efate Secondary School Games i tekem ples long yestede long kapitel.

VBTC Spots i kasem ripot se ol prensipol blong evri sekendri skul blong Efate aelan i atendem miting blong prisentem faenansel ripot blong olketa long las ESSA Kems mo Nasonal Sekendri Skul Kems.

Long semtaem oli tokbaot mo faenem way blong impruvum ESSA Kems stat long 2019.

Wan long desisen we ol skul prensipol i tekem long miting ia oli agri blong ranem skul lik kompetisen stat long next yia wetem sapot blong ol spot federesen.

Long las wik fes miting i bin involvem ol spot federesen, dipatmen blong yut mo trening divelopmen, nasonal spots komisen mo Vasanoc [ nasonal olimpik komiti ofis ].

Ofis blong Shefa Education i ripotem se bambae i gat ol regular miting olsem ia kasem taem we oli kamap wetem wan gud jata blong ESSA Kems.