Long futbol nius,

Galaxy FC long Port Vila Football Association i welkamem soka pleia blong Solomon Islands, Albert Witney long araevol blong hem long eapot yestede.

Albert Witney i gat 21 yia mo hemi bin stap plei long klab ia be hemi go spell mo naoia hemi rejoinem klab redi from niu sisen.

Witney i talem long exekutiv komiti blong Galaxy FC se hemi redi blong kivim evri best blong hem long 2018-2019 jampionsip sisen.

Hemi wan long tufala pleia blong Solomon Islands we niu kama blong primia divisen i saenem kontrak wetem hem.

Albert Witney i smol brata blong well-known, Jack Witney we i plei longtaem long Amicale FC.