Solomon aelan i stap debate long weta bae hemi letem sam nurse blong hem i kam wok long Vanuatu.

Ripot i talem se Minista blong Helt blong Solomon aelan, Tautai Kaitu'u i talem long parliamen se 71 nurse blong Solomon nurse oli interest blong kam wok long Vanuatu, follem wan request long erli long yia ia we i kam long Vanuatu Pablik Servis Komisen.

Mr Kaitu'u i talem se ol health official bae i mit samtaem long wik ya blong tokabaut issu ya.

Solomon aelan Broadcasting Corporation, SIBC, i ripotem se Opposition lida blong Solomon aelan, Manasseh Maelanga i talem se ol health official i mas fastaem lukluk long shortage blong ol nurse long olgeta hospital mo clinic long Solomon aelan.

Hemi talem se i nokat eni man i stoppem ol nurse ya blong go wok long ol different ples, be olgeta official i nid blong tinkbaot ol pipol blong Solomon aelan fastaem.