Presbyterian church i save kontribut tu long education mo helt blong kantri, tru long help we i kam long kavman.

Mo toktok ia ibin ko long hed blong kavman, Praem Minista, Charlot Salwai Tabimasmas taem we hemi ko long namba 70 general assembli blong jioj long las wik long Louniel vilaj long Tanna.

Jioj ibin invitem Praem Minista blong ko long miting ia, mo harem ol resolution blong jioj.

Klak blong Presbyterian Church, Pasta Alan Nafuki i talem se kavman i kivim budget or mane blong jioj i save ranem ol skul mo ol aid post, mo jioj i manejem.