Minista blong la Francophonie, Jean Pierre NIRUA i talem Gavman blong Vanuatu i hapi blong save hostem Namba 11th Francophon Forum blong Pacific we i open yestede.

Delegation blong Gavman blong Niu Kaledonia we Minista blong la Francophonie i lidim, Mr Bernard DELADRIERE i performem wan kastom seremoni yestede i kam long Vanuatu Gavman bifo Forum i start.

Minista Nirua i rispon long delegation blong Niu Kaledonia wetem wan nara custom seremoni.

Mr Deladriere i talem se Namba 11 Francophon Forum ia, hemi wan taem we i blong promotem "LIV TUGETA" bitwin evri Francophone blong Vanuatu, Niu Kaledonia mo French Polynesia insaed long Pasifik.

Bifo hemi ofisoli openem Namba 11th Francophone Forum ia, Mr Deladriere i talemaot se next yia 2019, bambae Vanuatu i selebretem namba 40 anniversary sins we hemi kam memba blong International organisation blong la Francophonie.