Ol lida blong Pacific we oli tekem part long namba 49 Pacific Island Forum miting long Nauru long wik ia, oli akri blong i kat moa toktok blong helpem ol pipol blong West Papua.

Long kommunique we i kamaut long end blong miting long yesterdei, ol lida ia i luk save strong engagement we ol forum memba kantri i mekem wetem Indonesia blong respektem eleksen mo human rait long West Papua.

Ol lida i akri blong i kat open toktok mo finem ol wei blong helpem ol pipol blong West Papua.

Isu blong West Papua, ibin wan long ol isu we Praem Minista blong Vanuatu, Charlot Salwai Tabimasmas i raisem long leaders retreat long forum long yesterdei.

Long nara development, Tuvalu bae i hostem namba 50 Pacific Island Forum miting long nekis yia, 2019, mo Vanuatu bae i hostem namba 51 forum miting long yia 2020.