Wan long ol top mo longtaem primia divisen klab long Port Vila Football Association, Tafea FC i luk fowod blong contest long niu primia lik sisen long stat long manis ia.

Tafea FC we i holem taet rikod blong kam jampion blong Port Vila Football moa long 15 yia i risivim wan niu set blong uniform long bisnis patna blong hem we hemi MG Global Enterprise Limited.

Hemi seken yia we MG Global i sapotem Tafea FC mo hemi lukluk tu long transfer blong ol pleia, laesens mo nara operesonal cost blong klab long sisen we bae i stat long 22 blong manis ia.

Kampani ia i talem se bambae hemi helpem Tafea long domestic mo rejinol futbol tunamen.

Ol futbol fans long kapitel bambae oli save lukim ol niufala transfer pleia we Tafea FC i saenem olketa long primia lik kompetisen.