Nasonal Olympik Komiti [Vasanoc] i bin mit mo finalisem tim we bae i go long bigfala yut kem ia we bae i stat long namba 6 kasem 18 Oktoba long Buenos, Argentina.

Vanuatu i wan long 206 kantri we bae i kompit long kem long kategori blong 15 kasem 18 yia.

Chef de mission blong Team Vanuatu, Yannick Jacobe i enkarejem ol atlet we oli bin selektem long 3 spot disiplin se oli mas traem evri best blong shine bigwan long kem ia.

Hemi pointemaot se blong Vanuatu i kompit akensem bigfala kantri, hemi hard oltaem be oli ma positive oltaem insaed mo aotsaed blong fil.

Chef de mission i se ol yut ia oli kwalifae finis long rejinol kompetisen mo evri yangfala ia i festaem blong ol i kompit long wan yut olimpik kems.

Hemi mekem exampol long sam yut atlet we oli bin atendem 2 yut olimpik kems naoia oli kam top sinia atlet blong kantri.

Team Vanuatu i konsist long woman bij volibol, atletiks mo male mo female hockey tim.

Hemi festaem blong Vanuatu i go long wan olimpik kems wetem wan tim spot we hemi lonf saed blong hoki spot.