“PAMDEMONIUM" Hemi wan Documentary Film we i tokbaot Secret blong reconsctruction afta Cyclone PAM we i bin hitim Vanuatu long 2015.

Hemi Dokumentri Film blong Sandrine CHARRUYER, we Namba 11th Francophon Francophone blong Pasifik i selektem blong shoem long Pablik long friday las wik long Convention Senta long Port Vila.

Dokumentri Film ia "PAMDEMONIUM" i bin touchem  heart blong plante pipol blong Vanuatu taem oli watchem from hemi rikolem bak moment ia.

Producer blong PAMDEMONIUM, hemi Sandrine Charruyer we hemi wan Lover blong Vanuatu mo hemi liv long Sydney Australia.

Hemi bin aot stret afta long Cyclone PAM blong kam produsum dokumentri film ia, mo semtaem diskaverem secret blong reconstruction blong Pipol blong Vanuatu.

Yumi notem Presens blong Minista blong la Francophonie, Jean Pierre NIRUA, Mr Bernard DELADRIERE, Minista blong la Francophonie blong Niu Kaledonia, mo Mr Eric-Norman THIBEAULT, olsem Director blong International Organization blong Francophonie long Asia-Pasifik, oli bin stap tu blong watchem PAMDEMONIUM wetem ol Pikinini blong ol francophone mo anglophone primary, sekendri mo senior skul.