Kaverna blong Northern Mariana aelan i mekem wan request iko long Presiden blong Amerika blong diklerem wan steit blong emergensi long Northern Mariana, afta we typhoon Mangkhut i pasem tru long ol aelan long territori ia.

Ralph Torres i sendem wan request iko long Donald Trump long yesterdait nait, taem we typhoon ia i pas ova long Rota aelan.

Mr Torres i talem se typhoon ia i mekem bik damej.

Governor i talem se typhoon ia ibin strong tumas, mo kavman ibin mekem everi best we hemi save mekem blong seifem laef blong ol pipol.

I kat ova long 600 pipol ibin ko long ol evacuation senta.

Ol kavman ofis oli klos long tedei.