Wok blong mekem paking eria blong ol bikfala plen long Bauerfield Intanasenal eapot long Port Vila i stap wet naoia long ol testing risalt.

Testing risalt ia, hemi long ol saplae agriget or ol smolsmol ston we oli putum long paking expanson ia.

Vanuatu Projek Manejmen Unit VPMU i ripotem se sabmison mo ol asesmen riviu blong ol nara wok i stap kohed folem nomo ol kondison blong graon long apron eria.

Otoriti ia i talem se ol kodineson miting wetem Pasifik Eneji i hapen mo fanalaesem graon rifiuling sistem we klosap i finis.

Ripot i talem se ran-wei kondison riviu i hapen evri wik mo ol mentenens i tekem ples, blong mekem sua se opereson blong ranwe i no kam nogud.