452 pipol blong Maewo oli stap naoia long had-taem from i nokat kakae afta long land-slaed long las wik.

Asesmen blong Nasenal Disasta Manejmen Ofis i faenem se komuniti blong Wailavoa i kat 113 pipol, Asarabio i kat 98 pipol, mo Avanvai i kat 241 populeson.

NDMO i ripotem se wota sos blong olketa i kontamineted mo hemi no sef blong drink mo evri wota sos blong 3 komuniti ia oli nogud evriwan, mo ripot i talem se ol pipol ia oli nidim ejen sapot long klin drinking wota blong kipim olketa i helti oltaem.

Ripot i talem tu se 80% blong planteson oli damej evriwan mo 100% blong wota sos oli nogud evriwan.

NDMO i rikomendem se 7 haos-hold i nidim temporeri shelta olsem tapolin kuiktaem, 7 haos-hold i nidim ol kloths kuiktaem.