Ofis blong Pablik Servis Komisen i apruvum tu blong ol sivil servants i tekem pat tu long International Ozone Dei mo Wol Klin ap dei long Fridei 14 Septemba 2018.

PSC i talemaut long wan memo se, wanwan ministri mo dipatmen bae i rilisim sam staff blong hem blong tekem pat long annual klin ap ia.

Klin ap kampain ia bae i tekem ples long ol difren area raun long Port Vila stat long haf past 8 long morning kasem long 11 oklok, mo long lunch hour kasem long 2 oklok, bae i kat ol toktok long Sea Front area.

PSC i talem se ol essential servis bae oli ko hed long wok.

Wol klin ap dei hemi impoten blong everiwan i tekem part long hem blong klinim ol area blong olketa.