Spot i continue blong liftimap nem blong Republic blong Fiji mo mekem hem i kam popular tumas long wol tedei.
Long wik ia Fiji nasonal U-20 ragbi tim i kam wol jampion afta we hemi winim Samoa long grand final blong wol ragbi U-20 trofi we i tekem ples long Romania.
Long faenol blong wol U-20 jampionsip ia i lukim Fiji i smasem nogud ol Manu Samoa long hevi sko long 58-8.
Ripot i talem se viktri blong Fiji ia i mekem se hemi winim promosen long jampionsip long festaem sins 2014.
Samoa i bin stap winim Fiji long semak level blong kompetisen be long yia ia, Fiji i aotklasem pefomens afta we hemi winim evri match blong hem long ragbi jampionsip ia.
Namba 3 posisen, Portugal i kleimem afta long viktri blong hem akensem Namibia long 67-36.