Vodafone Fiji futbol tim i continue long pua pefomens blong hem afta we hemi no winim wan intanasonal long yia ia.
Long namba 5 intanasonal frenli match blong Fiji nasonal tim long yestede naet, i lukim Singapore i bitim hem long 2 goals to nil.
Aotkam blong match ia i mekem koj blong Fiji, Christopher Gamel i no wan hapi man nating.
FBC spot i ripotem se Gamel i save finis se bae oli lusum match ia from long trening sesen blong tim long wik ia, ol pleia we i stap long tim i no folem instraksen we hemi kivim long olketa.
Tufala poin blong Singapore i tekem ples long fes haf long wan mini difrens, Hariss Harun i openem sko long 11 minit mo Ikhsan Fandi i faenem bak blong net long 13 minit blong kem.
Fiji i lusum 4 intanasonal frenli match long yia ia mo hemi kitkit long wan we hemi 1-1 akensem Solomon Islands long las wik.