Kaltack i kam well-known nem long Vanuatu mo Oceania rijen long saed blong futbol.
Long Oceania Under 16 Championship we i stap gohed long Solomon Islands, legacy ia blong Kaltack i laef yet taem smol brata blong Jean mo Bryan Kaltack i shine long tunamen ia.
Semici Kaltack i gohed blong liftimap nem blong famli blong hem long Erakor vilij taem hemi komandem midfil i go striking fos blong tim long jampionsip ia.
Hemi wan prodak blong strong futbol prokram we i divelopem hem long home vilij blong hem.
Semici Kaltack i talem se hemi stat plei taem hemi gat 12 yia from ol brata blong hem oli inspaerem hem blong folem fut step blong olketa.
Hemi se hemi praod tumas blong reprisentem kantri mo vilij mo famli blong hem long kompetisen.