Vanuatu Football Federation i kamaot pablik mo talem se hemi luk save mo aknolejem harem nogud blong ol futbol fans long [pua risal blong ol nasonal futbol tim we i stap anda long hem long ol rejinol futbol tunamen long yia ia.
Hemi admitim se i true, sakses blong wan tim hemi tru long gud preparesen be so far VFF i nogat availabol funding i mekem se trifala tim we i go kompit aotsaed oli tren blong sot taem nomo.
Vanuatu Football i pointemaot se long kaen situesen olsem ia, kavman i sapos blong step in blong sapot be sins long 1980 kasem tede i nogat wan nasonal spot polisi blong kavman i helpem ol spot federesen.
Taem i nokat faenansel bakap long kavman i go long ol spot federesen bambae i hard tumas blong sastenem hae level pefomens we i wan big jalenj.
Hemi gohed blong mekem i klia se long ol futbol fans mo ol tax peya blong oli mas save se blong win i nidim rikwae investmen mo VFF i no save mekem hem wan i nidim sapot long kavman.
Hemi talem laswan se i sut gat moa atensen long non-existens blong Nasonal Spot Polisi we i crucial naoia blong gaedem divelopmen long spot mo ples ia nao ol nasonal spot federesen i save linkim olketa long hem.