Minister blong Education, Jean Pierre Nirua i talem se, thinkthink blong sentem ol tija blong Vanuatu i go long Nauru hemi blong helpem Nauru blong providem education service long ol school pikinini.

Intrest blong Vanuatu long Skim ia hemi olsem wan form blong Labour mobility blong ol retire tija we oli save continue blong providem education service long Nauru.

Minister Nirua i talem se offer ia hemi givim moa janis long ol retired tija blong oli apply from, mo any nara qualified tija we i interest blong part long skim ia.

Hemi gohet blong talem se, thinkthink blong givim more opportunity long ol retired tija, hemi from oli kat moa experince long education system, we oli save sharem wetem education system blong Nauru.

Ministri blong Education i talem se olketa we oli wantem blong aplai, oli kat taem kasem long namba 25 Septemba blong mekem application blong olketa.