Wan medikel tim blong Presbyterian Jioj blong South Korea bae i stap long Port Vila long nekis wik, mo kivim fri medikel servis long ol pipol.
Elda Richard Tatwin long Helt Dipatmen blong Presbyterian Jioj, i talem se tim ia bae i beis long Vila Sentral Hospital, mo bae i kivim fri medikel servis stat long Mandei 24 Septemba, kasem Fridei 28 Septemba.
Hemi talem se bae i kat 15 medikal pipol insaed long tim ia, mo bae i kat ol dokta blong bodi blong lukluk long eni sik, dokta blong ol piknini, dokta blong tut, mo dokta blong mental helt.
Elda Tatwin i talem se hemi nambatri visit blong olketa i kam long Vanuatu, afta long fes mo nambatu visit long 2014 mo 2015, long Port Vila mo Luganville.
Visit blong olketa hemi possible tru long partnership we Malasitabu Presbyterian Church i kat wetem sista jioj blong hem long South Korea, we hemi Immanuel Church blong Korea.
Toktok iko long pablik se sapos oli kat eni medikel nid, oli save visitim medikel tim ia.