Pasifik Regional political parties conference we i stap tekem ples long Port Vila naoia hemi blong helpem Vanuatu kavman blong kam ap wetem wan Regulatory Framework blong hem.

Minista blong Foreign Afea mo semtaem President blong Graon mo Jastis pati-GJP, Ralph Regenvanu i talem se Regulatory Framework ia bai i helpem bikwan ol politician blong stap kwaet long ol pati we ol pipol oli bin elektem olgeta long hem.

Long wan semak nius, turn-aot blong ol Member blong Parliament long yestede long political parties conference ia hemi poor.

VBTC nius i faenemaot se i gat Five MP nomo we hemi Prime Minister mo semtaem President blong Reunification Movement for Change (RMC), Charlot Salwai Tabimasmas, Minista blong Climate Change mo samtaem President blong National United Pati (NUP), Ham Lini Vanuarora, Minista blong Foreign Affair mo semtaem President blong Graon mo jastis pati, Ralph Regenvanu, Minista blong Internal affairs mo semtaem Vice President blong GJP, Andrew Napuat, Minista blong Agriculture mo semtaem Vice President blong Learders Pati, Matai Seremiah we oli attendem konfrens ia long yestede.