Vanuatu Beach Volleyball bae i statem 2020 Tokyo Olympics kampein blong hem long manis Septemba 2018 kasem June 2020.

Hemi wan longfala journey blong Vanuatu i folem mo i stat long home taem tufala pleia pripea mo i no longtaem bae tim i kompit long fes two intanasonal bij volibol kompetisen.

Miller Pata mo niufala pairing blong hem, Sheresyn Toko i livim kantri long wik ia blong go kompit long Asian Beach Volleyball Championships long Thailand bifo oli go long China from FIVB wol tua.

Vanuatu Volleyball Federation i wishim Pata mo Toko, all the best mo hemi hope bigwan blong tufala i mekem i moa gud kompea long Rio Olympic kwalifikesen we Vanuatu i misaot long wan spot nomo.