Futbol Port Vila taon i kam bak laef bageken long wik ia afta we hemi spell blong plante manis.

Hemi pri sisen futbol tunamen blong priperem ol klab from 2018-2019 futbol sisen we bae i kik stat long end blong next manis.

Ol match blong fes divisen i stap tekples long Amicale fil mo long primia divisen bambae oli stat plei long Port Vila Stadium long tede aftanun.

Opening match blong nokaot ia i stap bitwin tufala longtaem pawa haos klab blong futbol long Port Vila we hemi Erakor Golden Star mo Tafea FC long 3 oklok tede aftanun.

Lik i stap infomem ol fans blong futbol blong no mas mestem fofala match long wiken ia from wina oli go stret long semi faenol mo lusa oli aot long kompetisen.