Kavman blong Vanuatu bae i sainem wan agrimen wetem UNICEF, blong kavman blong Vanuatu i hostem UN Joint Presence Ofis long Vanuatu.
Minista blong Foren Afea, International Cooperation mo External Trade , Ralph Regenvanu bae i sainem agrimen ia wetem Representative blong UNICEF Pacific Multi-Kantri Ofis, Sheldon Yett long tedei aftenun.
Hemia bae i fulfilim wan seksen long Standard Basic Cooperation Agreement between UNICEF mo kavman blong Vanuatu,long namba 24 January 1994.
Kounsel blong ol Minista i akri long namba 28 June, 2018, blong Vanuatu kavman i hostem UN ofis ia, mo bae i stap long bilding blong Vanuatu Reserve Bank.
Disisen we kavman i tekem hemi demonstratem sapot blong Vanuatu long ol international organisation mo espeseli long human rights agenda.