Alet Level blong volkeno I stap yet long Level 1.

Volkanik anres hemi kontinu long Vanua Lava; Lukluk i stap se aktiviti blong volkeno bae hemi kontinu long sem level, we hemi konsistent long Volkeno Alet Level 1.

Denja Eria long sefti blong man hemi stap raon long hil blong volkeno mo salva riva. Ol obsevesen oli konfemem se i kontinu blong gat plenti gas klosap long volkeno mo eria raon long salva riva.

Ol man bae oli save kontinu blong smelem gas blong volkeno taem oli stap klosap long volkeno. Alet Level blong volkeno long Vanua Lava I bin stap long Level 1 since long 27 Mei 2016. Ol obsevesen blong nao ia oli konsistent long aktiviti blong Alet Level 1.

Level 1 hemi indiketem ‘Saen blong anres;Denja Eria i stap long hil blong volkeno mo long salfa riva’. Vanua Lava hemi wan long ol aktive volkeno long Vanuatu we hemi difren long ol nara volkeno, hemi no gat hil.

Hemi gat wan profile we hemi iregula folem ol smol chaine blong volkeno we oli stap long NNESSW. Long histri, aktiviti blong hem I no plenti tumas be I bin gat 3 bigfala manifestesen blong hem long XIX senturi mo 2 long XX senturi. Hemi wan reminda long everi tourisim indastri, lokol otoriti, ol pipol blong Vanua Lava mo generol pablik blong no mas go klosap long salva riva mo maot blong volkeno. Gas blong volkeno i stap oltaem long tufala Eria ia.

Dipatment blong Meteorologi mo Geohazards I stap monitorem kolosap aktiviti blong volkeno ia. Moa infomesen bae I kam aot taem hemi necessari. Dipatment blong Meteorologi mo Geohazards long Vanuatu Nasional Geohazads Obsevatori Telefone: (678) 24686, Fax: (678) 22310 Email: This email address is being protected from spambots. You need JavaScript enabled to view it. Website: http://www.vmgd.gov.vu Alet Bulletin blong Volkeno long Vanua Lava N°07, 24 Septemba 2018 Blong kasem moa infomesen, plese contaktem ofise blo Geohazards long Vanuatu Meteorologi mo Geohazards Dipatment.