Tanna konstituensi, bae oli vot long long bae-eleksen long tumoro.

Registration Ofisa we i lukoutem Tanna bae-eleksen, David Tovovur i konfirmem long VBTC news long tedei morning se i kat 36 polling stesen.

Mo aut long ol polling stesen ia, i kat 12 polling stesen we namba blong ol vota hemi ova long 900.

Hemi talem se ol polling stesen bae oli open long haf-past-7 long morning mo klos long haf-past-4 long aftenun.

Tumoro hemi pablik holidei long Tanna, blong allowem pipol blong ko vot.

I kat 10 kandideit bae oli kontestem bae-eleksen blong tumoro.

Mr Tovovur i talem se politikel kampein ibin ko hed gud, kasem long 23 September, taem we hemi klos.