Fiji Airways drua ragbi tim i muv i go long top blong Nasonal Ragbi Jampionsip afta we hemi bitim Sydney Rays long yestede long 34-31.
Ripot i talem se Fiji i mekem slo stat long match ia be afta hemi faenem lak long 35 minit taem Alivereti Veitokani i openem try mo oli continue blong sko mo oli tekem lid long fes haf long 19-5.
Drua tim i kam tuketa afta long seken spell mo manej blong skorem 5 try blong silim viktri long deio.
Drua bae i travel i go bak long Fiji mo redi blong hostem New South Wales long ANZ Stadium long Suva hemia long Satede wiken ia.