Vanuatu Polis Fos i kuestenem from wanem ol Chinese long Port Vila mo Luganville Santo oli kat masket.
Kuesten ia i kam aot long taem blong pablik aweanes abao masket mo trafik we polis i bin holem long Frade las wik long foret blong bilding blong Polis long Port Vila.
Hed blong sekson blong polis we i lukaotem masket long Vanuatu i wonem ol Chinese se oli no mitim krateria we loa blong masket blong Vanuatu i alaoem.
Polis i talem se bambae oli karem aot wan opereson folem list blong masket we polis i kat long komuniti blong Chinese long Vanuatu.