Minista blong Internal Affair, Andrew NAPUAT i selebretem SANMA DEI blong Yia ia 2018 long aelan blong Malo.

Hemi wan bigfala privilej blong Pipol blong Malo, taem we oli bin risivim wan State Minista long ples blong olgeta long taem blong selebresen blong SANMA Dei.

"Happy SANMA day long pipol blong SANMA", hemi toktok blong Minista Andrew NAPUAT.

Minista Napuat i talem se hemi bin gat hona blong partisipet mo givim sam toktok long SANMA dei selebresen long Malo aelan.

Hemi bin risivim wan Gudfala welkam mo gudfala kastom danis taem hemi kasem Malo aelan.

Selebresen blong SANMA Dei tekem ples stret long Big Nanuku vilij mo Pipol blong Big Nanuku oli apresietem bigwan presence blong hem mo quality time we hemi save spendem stret long SANMA day wetem olgeta.

"Yumi mas start blo jenisim mentality blong stap mekem selebresen long ol main senta nomo. Yumi mas tekem gavman igo klosap long pipol mo present wetem pipol even long ol remote area blong selebretem ol impoten event long laef blong olgeta mo tokbaot wok blong Nasonal Gavman long pipol" Minista Napuat i talem.

Hemi gohed blong talem se "Sebret wetem pipol mo long stret ples igat more meaning. Yes, Yumi Tekem Gavman igo klosap long Pipol. Happy SANMA day".